അത്തറും മൊഹബത്തും

                         

അങ്ങനെ അവര്‍  ഒളിച്ചോടി....

ചാറ്റമഴയുടെ കൂര്‍ത്ത മുനകള്‍ മുഖത്തേക്ക് തറച്ചു കയറിയപ്പോഴും ചീറിപ്പായുന്ന ബൈക്കില്‍ അവളവനെ മുറുകെ പിടിച്ചിരുന്നു...

ഉപ്പയുടെ ചൂല് കൊണ്ടുള്ള താടനമേറ്റ് മുറിഞ്ഞ അവളുടെ മേലാകെ വല്ലാതെ നീറുന്നുണ്ടായിരുന്നു...

ശരീരത്തിന്റെ നീറ്റല്‍  സഹിക്കാം...മനസിന്റെയോ...???

ഉപ്പ അടിച്ചപ്പോള്‍ തടസ്സം പിടിച്ച ഉമ്മയുടെ കൈയില്‍ തറഞ്ഞു കയറിയ ഈര്‍ക്കില്‍ അവളുടെ ഹൃദയത്തിലായിരുന്നു മുറിവുണ്ടാക്കിയത്..

അടിയുടുപ്പുകള്‍ക്കിടയില്‍ ഒളിച്ചു വച്ച മൊബൈല്‍ ഫോണ്‍ കണ്ടെടുക്കാന്‍ ഉമ്മ എത്ര ശ്രമിച്ചിട്ടും സാധിച്ചില്ല..അതിനാല്‍ വിവരങ്ങള്‍ അപ്പപ്പോള്‍ അവനിലെത്തിക്കൊണ്ടിരുന്നു..   

മരണശൈയ്യയില്‍ കിടക്കുന്ന ഉമ്മുമ്മയുടെ കാല്‍ തൊട്ട്  വന്ദിച്ചപ്പോള്‍ അടക്കി വെച്ച തേങ്ങല്‍ പുറത്തു വീഴുമോ എന്നവള്‍ ഭയന്നു ...

യാ അള്ളാ ...

 

നിറഞ്ഞു കവിയുന്ന കണ്ണുകള്‍ തുടക്കുമ്പോള്‍ അവനവളെ സമാധാനിപ്പിച്ചു..

നിനക്കു ഞാനില്ലേ....

ഒരു കുപ്പി വിഷത്തില്‍ തീര്‍ക്കാവുന്ന പ്രശ്നമാണിത്....അവള്‍ സമാധാനിക്കാന്‍ ശ്രമിച്ചു..

തണുപ്പ് കൊണ്ടും പേടി കൊണ്ടും അവളുടെ  ചുണ്ടുകള്‍ വിറച്ചുകൊണ്ടിരുന്നു....

എനിക്ക് ജീവിക്കേണ്ട....മരിച്ചാല്‍ മതി ....അവളുടെ മനസ്സില്‍ ആരോ മന്ത്രിച്ചുകൊണ്ടിരുന്നു....

മഴപെയ്തു വഴുക്കി കിടക്കുന്ന റോഡിലൂടെ അതിവേഗത്തില്‍ പോകുന്ന അവരുടെ ബൈക്ക് ഇടക്കിടക്ക് പാളുന്നുണ്ടായിരുന്നു...  

പ്രണയത്തിന്റെ ശക്തിയില്‍ അതി ശക്തനായി മാറിയ സാഹസികനായ അവളുടെ കാമുകന്‍ ഒരു വിജയിയെപ്പോലെ നിവര്‍ന്നിരുന്നു....

പെട്ടന്ന് വണ്ടി നിര്‍ത്തി സ്നേഹപൂര്‍വ്വം ഒരു കുപ്പി അവള്‍ക്കവന്‍ സമ്മാനിച്ചു ....

"എന്താ ഇത്...വിഷമാണോ?" അവള്‍ ആകാംക്ഷയോടെ ചോദിച്ചു...

ഒരു കുഞ്ഞു പുഞ്ചിരിയുമായ് അവന്‍ പറഞ്ഞു.." ഏയ്...അല്ല... ഇത് perfume ആണു . imported quality..നമ്മള്‍ ഒരു വഴിക്ക് പോകുന്നതല്ലേ...അപ്പോള്‍ ഒരുപക്ഷെ കുളിക്കാന്‍ ഒന്നും പറ്റിയില്ലെങ്കിലോ?...അതാ ഞാന്‍ ഇത് എടുത്തത് ..."

ധീരനായ കാമുകന്റെ ദീര്‍ഖവീക്ഷണത്തോടെയുള്ള പ്രവര്‍ത്തി കണ്ട സ്തബ്ധയായി അവള്‍ തരിച്ചു നിന്നു. മഴത്തുള്ളികള്‍ പെരുമഴയായി പെയ്ത് അവളെ പതുക്കെ പതുക്കെ അലിയിച്ചു കളയുംമ്പോളും  പെര്‍ഫ്യുമിന്റെയും അത്തറിന്റെയും വെത്യാസം പറയുന്ന ഒരു നേര്‍ത്ത ശബ്ദം മാത്രം  അവശേഷിപ്പിച്ചു ഒരു പ്രണയം അവളുടെ മുന്നിലൂടെ തെറിച്ചു പോയി...